Angliya terma jamoasi bosh murabbiyi Tomas Tuxel yaqinlashib kelayotgan Millatlar ligasining Xorvatiya va Ispaniyaga qarshi uchrashuvlari uchun 25 nafar futbolchidan iborat tarkibni e'lon qildi. Yangi ro'yxat ko'pchilik uchun kutilmagan qarorlarga boy bo'ldi, xususan, jamoaning asosiy yulduzlaridan biri Koul Palmer tarkibga kiritilmadi. «Chelsi» yarim himoyachisi Koul Palmer yozgi Jahon chempionatiga ham jalb etilmaganidan qattiq hafsalasi pir bo'lgan edi. Shuningdek, u jarohatlar va mayda jismoniy muammolar sababli sentyabr hamda oktyabr oylaridagi yig'inlarni ham o'tkazib yuborgan edi. Tuxel avvalroq Palmerning terma jamoada o'ynashga bo'lgan intilishi yetarli emasligini va u milliy jamoadagi imkoniyatlarni qo'ldan boy berayotganini ta'kidlagandi. Shuningdek, «Manchester Yunayted» yarim himoyachisi Kobbi Mainoo va «Manchester Siti» hujumchisi Fil Foden ham tarkibdan chetda qoldi. Foden so'nggi paytlarda bosh murabbiyning ishonchini qozona olmayotgan bo'lsa, Mainoo so'nggi yig'inni ham jarohat sababli tark etgandi. Ben Uayt va Jjed Spens esa terma jamoaga qaytarildi, Bukayo Saka, Adam Skott va Markus Reshford esa jarohat tufayli yordam bera olmaydi. Katta nomlarning yo'qligi fonida bir qator yosh iqtidorlar ilk bor milliy jamoaga chaqirildi. Xususan, «Borussiya Dortmund» safida harakat qilayotgan Jud Bellingemning ukasi Job Bellingem hamda «Fulhem» yarim himoyachisi Josh King asosiy tarkibdan joy oldi. Ularning avvalgi yoshlar jamoalaridagi muvaffaqiyatli o'yinlari murabbiylar e'tiboridan chetda qolmadi. Terma jamoaning darvozabonlar chizig'idan Jordan Pikford, Jeyson Stil va Jeyms Trafford o'rin oldi. Himoya chizig'ida Jarrad Brentueyt, Mark Gehi, Lyuis Holl, Ezri Konsa, Yarrell Kuansa, Djed Spens, Trent Aleksander-Arnold va Ben Uayt harakat qiladi. Yarim himoya chizig'iga Eliot Anderson, Jud Bellingem, Job Bellingem, Eberichi Eze, Jeyms Garner, Josh King, Maylz Lyuis-Skelli va Deklan Rays chaqirildi. Hujum chizig'ida esa Dominik Kelver-Lyuin, Morgan Gibbs-Vayt, Entoni Gordon, Harri Keyn, Rio Ngumoha va Morgan Rojers milliy jamoa sharafini himoya qiladi.
Tomas Tuxel Angliya terma jamoasi tarkibidan Koul Palmer va Fil Foden chiqarib tashlandi

Angliya terma jamoasi bosh murabbiyi Tomas Tuchel Millatlar ligasining Xorvatiya va Ispaniyaga qarshi o'yinlari uchun 25 nafar futbolchidan iborat tarkibni e'lon qildi. Qizig'i shundaki, ro'yxatdan Koul Palmer, Fil Foden va Kobbi Mainoo kabi yetakchi futbolchilar joy olmadi. Shu bilan birga, Jud Bellingemning ukasi Job Bellingem hamda «Fulhem» yarim himoyachisi Josh King ilk bor milliy jamoadan chaqiruv oldi.
Manba: Sky Sports