Angliya Premyer-ligasining Kalit o'yinlar hodisalari paneli (KMI) so'nggi tur uchrashuvlarida hakamlar tomonidan 6 ta maydondagi xato sodir etilganini tasdiqladi. Ushbu ko'rsatkich 2023-2024 yilgi mavsum boshidan buyon bir dam olish kunida qayd etilgan eng yuqori xatolar soniga teng bo'ldi. Har hafta besh nafar mutaxassischidan iborat panel bahsli vaziyatlarni ko'rib chiqib, bosh hakam hamda VAR qarorlarining to'g'riligini baholab boradi. Ushbu statistikaga Brontford futbolchisi Igor Tiagoga ko'rsatilgan qizil kartochka kabi to'g'ri ishlangan VAR aralashuvlari kiritilmagan. So'nggi turda deyarli har bir uchrashuvda qizg'in muhokamalarga sabab bo'lgan hakamlik qarorlari kuzatildi. Jumladan, juma kuni «Everton» futbolchisi Jeyms Tarkovskiy raqibining sochidan tortgan vaziyatda «Koventri Siti» foydasiga penalti belgilanmagan edi. Panel bu holat bo'lib o'tgan vaziyatda VAR aralashishi kerak bo'lgani haqida bir ovozdan xulosa chiqardi. Shuningdek, «Arsenal» hujumchisi Kay Xaversga nisbatan qo'pollik ishlatilgan vaziyatda, avvalroq futbolchi o'yindan tashqari holatda bo'lgani vajidan penalti belgilanmagandi. Biroq mutaxassislar Xaversning ofsaydiga qadar himoyachi tomonidan aniq qoidabuzarlik sodir etilganini ta'kidlashdi. «Kristal Pelas» va «Liverpul» uchrashuvida belgilangan penalti ham xato deb topildi, biroq bu yaqqol va keskin xato sifatida baholanmagani sababli VAR aralashuviga sabab bo'lmadi. Shu bilan birga, «Lids Yunayted» himoyachisi Jeyden Boglning «Tottenhem» futbolchisiga qarshi o'yinidagi harakati hakamlar tomonidan to'g'ri baholangani bildirildi. Mutaxassislar bu vaziyatda qizil kartochka talab qiladigan darajada jiddiy kuch ishlatilmaganini qayd etishdi. Angliya futbolida hakamlik va VAR tizimining shaffofligi hamda bahsli vaziyatlar doimiy ravishda muxlislar va mutaxassislar o'rtasida qizg'in bahslarga sabab bo'lib kelmoqda.